للأب القم
(1)
" أكون لك"
اديني يارب قلبك اللي يحب بدون مقابل
واللي بيغفر وحتي الشر بالاحسان يقابل
أديني ايدك الممدوة بالخير لكل محتاج وعاطل
أديني عيونك اللي تستر للخاطي واللي جاهل
خلي فكري هو فكرك رحمة ومحبة للكل شامل
أديني أقدامك أصنع سلام وأكون معاك عامل
أديني لسانك يشجع الضعيف وأشعل الخامل
نفسي أكون لك وحدك ومعاك يا قدوس وكامل
.....
(2)
" كلك وفاء وحب"
زمان يا مسيحنا لبلادنا هاجرت ولجيت
من طغيان هيرودس في مصر أمان لقيت
رد الجميل وكلك وفاء وحب وحق يارب البيت
الطف بحال المهجرين من ديارهم يامن عانيت
دا الشرق بيعاني الظلم والخراب والالم والتشتيت
في سوريا والعراق وفي ليبيا واليمن بالنار أكتويت
دمار وقتل وظلم في كل مدينة وكل شارع وكل بيت
ملناش غيرك نلجأ اليه ونقول باسمك يارب أتعزيت
أقضي بالحق والعدل ياللي بتقول للمساكين أنا جيت
....
(3)
"لمين نروح؟"
لمين غيرك يارب يا رحيم أحنا نروح؟
ولمين غيرك في ضيقاتنا نشتكي ونبوح؟
أنت يا الهنا شفاء النفس والجسد والروح
واللي تقدر تعزي اللي من الحزن ينوح
وتخلي ريحتك الحلوه منا تنتشر وتفوح
أنصف المظلوم وأرح المثقل بالمهموم
وأشفي المريض ورحمتك لينا يارب تذيد
أملا قلوبنا سلام وفرح ونعيم لكي نفيد
ونقدم لك الحمد والشكر والحان التمجيد
.......
(4)
" المجد لك يارب"
المجد لك أيها الرب الهنا العظيم الصانع القديسين
تقبل دموع الأمهات من أجل رجوع ابنائهم الضالين
يا ذو النعمة الغنية التي تعمل وتغير الفجار والبعيدين
هاهو القديس أغسطينوس يدعو للرجوع والتوبة صادقين
ويقدم لنا مثالا عجيبا عن محبة الله نحونا فهو الأب الأمين
العامل فينا بغني مادمنا نتوب اليه ونصنع ارادته كل حين
أعمل فينا يا الله وفى كنيستك وأرجع اليك الخطاة والبعيدين
لنسبحك كابناء وبنات لك ونشترك فى تسبيحك مع السمائيين
......
(5)
" أشكر الله"
مهموم كدا ليه والرب لك واعد
يشيل همومك وفي حملك يساعد
اشكر الله علي نعمة وقول يا واحد
اشكر علي الشمس، والنفس الصاعد
كل ما تشكر وتعدد نعم الله عليك وتحمد
الله ينظرلك بالمحبة والرضا ونعمته تعاضد
احسانات الله ورحمته لك كل يوم ها تشاهد
.....
ليست هناك تعليقات:
إرسال تعليق