الأمل الكبير

 

                                          للأب القمص افرايم الانبا بيشوى

                          كان عندي أمل كبير كتير ، 

شلته فى الدولاب حتى اليوم الاخير.
أؤمن باليوم الاخير،
وغيرى ما بيعترف برأي الغير.
بلدي تحتاج للتغيير .
والناس مش قادره على التعبير،
لان الفرحة والحزن كسر القلب
الصغير والكبير.
يا شعبي ماتخافوش من اللي يصير
لا هذا يخوفنا ولا ذاك يحمينا
احنا فى يد الرب القدير.

ولينا حقوق ذي الغير .

وعلينا واجبات نعملها بامانه

نحو الله والوطن حتى لو يجير

يا أهلي وناسى الرب عليكم يدافع

بقوة روحه مش بالمدافع

دا انتوا الشئ الحلو الباقي.

وانتوا الخميرة فى وادى النيل

والله ليكم قائد وحامى كبير

بيقول انا معاكم  أكبر محامي ودليل.

ماتعيشش يا اخويا حزين وانت حر وأمير
وانت البركة والنور فى الليل الطويل
وكل الاشياء تعمل معا للخير

وجاهدوا تنالوا النصرة والأكاليل

حياتنا قليله ورسالتنا كبيره

وانتوا اولاد الفراعنة والشهداء

والقديسين عبر التاريخ الطويل،

ومهما الليل راح يسدل ستاره،

ومهما الشيطان يطول نهاره،

ومهما الظلم يظهر شراره،

الفجر أتي.

وشمس البر تظهر وتنور كتير,

تنور وتشرق شمس البر،

ونورها يشفى القلب الكسير.