للأب القمص أفرايم الأنبا بيشوى
(1)
"أشترك معنا فى العمل"
في صباح يوم جديد أقولك كلمتين يارب
شكرا ليك بتفيض علينا بكل خير وحب
أدينا رغبة وأرادة وقوة نخدمك بكل القلب
سهل طرقنا وبنعمتك يسهل أمامنا الصعب
أشترك معانا في العمل والمسير في الدرب
من روحك أملانا وداعة وسلام وعشرة حب
فرح قلوبنا بنعمتك ولغيرك ما تحوجنا يارب
.......
(2)
"أحلام وأمنيات"
في هدوء الليل وبعد التعب من التفكير قبل مانام
حلمت اني بلادنا مليانة محبة وعايشين في سلام
الغلاء أنتهي والجشع راح والناس ضميرها استقام
حلمت أني مفيش محسوبيه ولا فساد أوظلم أوأنقسام
شورعنا منظمة ونظيفة وكل شئ ماشي بدقة ونظام
مصر كلها خير بعلماء ومفكرين والذهب تحت الأقدام
الجهل والتعصب والمرض مضوا والناس في أمان ووئام
علماء من أمريكا وأوربا بيدرسوا عندنا سر تقدمنا للأمام
تمنيت لما صحيت أني دا يكون علم وحقيقة ومش أحلام
..........
)3(
" أنت أبويا"
عاوز أكتبلك يا الهي وأقول كلمتين من القلب
أنت أبويا ومعينى ويجب لك الأخلاص يارب
مفيش زيك يسعدنا ويصبر علينا ويزيل الكرب
بتسمع وتفهم وترعي وتسند فى الزمن الصعب
لما نجوع بتشبعنا بحنانك وتروينا وكلك عذب
ولما نزعلك ونبعد تنتظرنا كأم حنون فى الدرب
لا تعاتب ولا تغضب وتقول ما أحلي مني القرب
أحساناتك وجمايلك علي راسي يارب كلك حب
.....
(4)
" تحية لكل أمراة مصرية"
حقيقي لازم كل يوم نقدم التحية لكل أم مصرية
بتتعب وتحتمل وتوفر وتحتمل من أجل لقمة هنية
وبتتعرض للظلم في البيت والشارع في أماته يومية
وهي الأم والأخت والبنت المظلومة في بيئة شرقية
وبفضل قلب المرأة النابض بالحب بيوتنا عامرة وقوية
أنت عظيمة يا ست الكل وكل يوم نشوفك باذلة مضحية
لكي منا كل الأكرام والتقدير وتستحقي المساواة والتحية
........
(5)
" ليتك تباركنا "
ليتك تباركنا يارب وتبعد عننا كل الهموم
تدينا نشاط وبهجة ونعمة الصبح لما نقوم
أشترك معانا في العمل وبركاتك علينا تدوم
محبتك ورحمتك تفيض علينا يوم وراء يوم
تغفر لنا وتسامحنا وتقودنا لنرضي بالمقسوم
أدينا نشعر ببركاتك المجهول منها والمعلوم
أقبل توبتنا وخلصنا وأقبل منا الصلاة والصوم
ليست هناك تعليقات:
إرسال تعليق