(1)
صوتك يارب
بين الأصوات والأغراءات اللي حولينا هي كثيرة
نسمع أصوات مزعجه أوقاسية ومرات تكون مثيرة
أصوات تجيب الأضطراب أو أكتئاب أو حتى حيرة
صوتك يارب هادى وديع بحب أسمعه وأكون أسيرة
صوتك يشجع نفسي يارب ويديها فى الحسني غيرة
صوتك بيهدي خطوتي ويجعل حياتي حلوة ومنيرة
علي هدي صوتك سارت جموع وتركت قداسة السيرة
......
(2)
" حبك يارب"
أقول بحبك وأعترفلك في كل نبضه
وأحب أعيشلك حياتي في كل لحظه
وأشهد لمجدك وأخدمك ياربي برضه
دا أنت جمايلك وأحساناتك مغرقاني
وحبك يا ربي خلي حياتي شكل تاني
ملاء حياتي حب وسلام وملك كياني
ياللي بحبه لعالمي جه ومات وفداني
حبك يارب خلي لحياتي قيمة ومعاني
......
(3)
" غامرني بالحنان "
بيسالوني ليه بتحبه وبيه دائما فرحان؟
قلت نحبه زي حبه لينا ونعيش بالإيمان
دا بحبه لينا نزل من السماء وصار انسان
وأتصلب ومات ودفن ولفوه كمان بالاكفان
وهو حي بلإهوته لا يحده زمان ولا مكان
وقام وقال يا ابني كلي ليك خلاص وأمان
أديك حياتي وأطهرك من الخطية والادران
بروحي اعلمك ولك في السماء أحلي مكان
أزي يا ناس محبوش وهو غامرني بالحنان
.......
(4)
" الله المحب والحنان"
فى كل صباح يوم يجي عليّ جديد
محبة وحنان ربنا أشوفها تزيد
يقوليّ أنت ليّ أبن محبوب وفريد
بأجدد رحمتي وأرعاك بحب شديد
مادامت أنت ثابت وماسك فيّ الأيد
اللي تضبط الكون كله وترفع العبيد
وتدعوهم للبنوة والمجد والمواعيد
أنصرك وأفرحك مهما الحروب تزيد
......
(5)
" راسخ فى الإيمان"
خليك قوى وثابت راسخ فى الإيمان
لا تتأثر بتعاليم غريبة ولا بقول إنسان
أبني نفسك علي الصخرة فيثبت البنيان
أنت عزيز علي ربك وفي عيونه منصان
ولو هاج عليك الشر وأعوان الشيطان
أصرخ بتواضع لربك ونصرته ليك تبان
بصبرك تربح نفسك وتحيا معاه فرحان
ليست هناك تعليقات:
إرسال تعليق