اهلاً عامنا الجديد
للأب القمص أفرايم الانبا بيشوى
لما نودع عام مضى ، وكلى اللى بيه زمن أنقضى
كان مر صعب ،صراع
وضرب حتى لو حلو راح.
كان فيه دموع، دم وشموع كان فيه تعثر او نجاح .
كان فيه سقوط للأقنعة، وفيه ثورات من شعوب ومعمه .
كان فيها نجوم نورها أفل وكان فيها ناس صحيت بعد الغفل.
نصلى بالرحمة للى رحل ونطلب الخير بعام جديد به نحتفل
ايام وعدت من عمرنا واللى راح اوعى يا صاحبى تبكى عليه
خليك ليومك وعيش اللى فيه وارضى ربك بلاش تعصيه
من الماضى خد العبر وبلاش تعيش اسير اللى راح .
داوى جراحك وانسى الاسى واللى مضى راح وتنسى
توب عن الذنوب ونقى قلبك من الخطايا والذنوب .
وقله اهلا عامى الجديد ، انا بيك سعيد وانا بيك فى عيد
مدام سلامى هو المسيح ، قائد حياتى للتعابى هو مريح
روحك ياربى ينور لى دربى ، وفى حماك انا مستخبى
ممكن سفنتى تواجه متاعب، وكمان فى حياتى تكون مصاعب
لكنى بربى قادر وغالب
وفيه انمو وافرح وانتصر
نصلى سواء من أجل مصر وأمنها ولكل انسان فى شعبها
نلاقى سلامنا فى حبها والامان والعداله يلموا شملها
نعيش تآخى فى ظلها ، ونكون رسل سلام على ارضها .
عامكم سعيد تحيوه فى عيد يا اهلنا، وسنه مباركة لينا
كلنا.
ليست هناك تعليقات:
إرسال تعليق