(1)
" توبني فاتوب"
ربي والهي كن نوراً لدربي وشبعاً لقلبي
لا تهملني ولا تتركني في جهلي أو بعدي
كن سلامي في خوفي وراحتي في تعبي
أشف يارب نفسي الشقية بمحبتك أحيني
توبني فاتوب وأمسك بك ولا أتركك مرغوبي
أشبع بمحبتك وانعم برحمتك وتغفر ليّ ذنوبي
فلا أهتم أو أقلق لشئ وتكون وحدك محبوبي
.......
(2)
" مسنود علي ربنا "
الليّ مسنود علي ربنا مايكسروش إنسان
أطلب المعونة من ربنا وهو لك خير ضمان
ولا تتكل علي بشر ولا تتمسك بعمل وبمكان
حب الله والغير وأعمل خير تعيش في أمان
دنيا فانيا يدخلها المرء يبكي وكمان عريان
وهيخرج منها الإنسان بلا شئ خالي اليدان
الشاطر منا يجول يصنع خير في ذوق وحنان
.........
(3)
" النمو والتقدم"
ما تفكرش وتقلق لا علي يومك ولا علي المستقبل البعيد
أعمل بالتزام وأخلاص اليوم وعيش بما فيه قانع وسعيد
هتلاقي نفسك ناجح وتحقق احلامك في المستقبل المجيد
ماتندمش علي ماضي عدي حتي لا يضعف تقدمك للأمام
الماضي مش هايرجع تاني ولا يحقق للمستقبل منه أحلام
أنسي ما هو وراء وأعمل خير علي قدر طاقتك تنمو لقدام
خليك صخرة قوية مايهزها ريح النقد الجارح تحيا في سلام
.......
(4)
" مين غيرك؟"
مين غيرك يقدر يدي الحياة ويقيم الأموات
مين باسمه تحدث المعجزات وتجري الآيات
أنت يارب تغفر الخطايا والأثام وتمحو الذلات
وأنت اللي تشفي المرضي وتعوض كل اللي فات
نرجعلك كموتي من الخطايا تقيمنا من السقطات
وتدي سلام في القلب ومعاك نحيا في السموات
.......
(5)
" كلنا أخوة "
يارب ياللي بنعمتك وقدرتك خلقت الإنسان
وهبته العقل والضمير وقلب ونظر واللسان
اديته مقدرة يعبر بالكلمة والعمل والأحسان
هبنا يارب قوة وأرادة نعمل والخير منا يبان
علمنا نعامل بعضنا باحترام ومحبة أي ان كان
الجنس والشكل والراي والدين نحترم كل إنسان
مهو كلنا أخوه واولاد آدم وحواء ولو طال الزمان
وما نصنعه خير أو شر نتحاسب عليه من الديان
ليست هناك تعليقات:
إرسال تعليق