للأب القمص أفرايم الأنبا بيشوى
(1)
" اشكر الله "
اشكر الله علي كل موهبة عندك ونعمة وعطية
أحمده علي عطاياه حتي لو أفتكرت أنها عادية
علي نعمة الصحة حتى أن سمح بتجربة مرضية
باركه علي الهواء والنور والماء ونعمة الحرية
أشكره علي التعب والراحة ولما تقوم الصبحية
بارك الرب ولا تنسى أحساناته ونعمة الإلهية
أذكر حبه ومراحمة المتجددة عليك فهي قوية
(2)
" الرب راعينا"
المؤمن لايستمد سلامه وطمأنينته من الظروف
ولو مر بضيقة يصلي وينتظر عمل الله بلا خوف
وأثق أن الهنا صالح بيعمل الاحسان والمعروف
سلامنا من الله اللي معاه عجائب دائما بنشوف
الرب راعينا فلا نخاف شئ، هو علينا عطوف
أن سرنا بوادي ظل الموت خلاص عجيب نشوف
الهنا أمين وياما خلصنا بحنانه وحبه علينا رؤوف
أطمنوا وكونوا بالإيمان ثابتين واشكروه بدفوف
(3)
" للغد رب يتولاه"
علي الله نلقى كل همنا فليس لنا أخر سواه
فالله محب يصنع الخيرات ويعول أتقياه
أنظروا طيور السماء، وكيف يهتم بها الله؟
فكم بالحرى أنتم أفضل مما يطير في سماءه
بوعوده تمسكوا كل يوم وعيشوا كما يرضاه
ودعوا المستقبل لله يتعهدنا فيه حسب غناه
لاتهتموا بالغد وأفرحوا باليوم، وللغد رب يتولاه
(4)
" إلهَ السّماء يعطينا النجاح"
أوعي في يوم تستسلم أو تحيا في اليأس أسير
أوتقول أنا مالى خليني في حالي وتنيم الضمير
دا الأهمال ياما ضيع ناس وخلي القلب كِسير
والكسل خلي ناس تفتقر وخرب بيوت كتير
خلي عندك همة وحكمة وأعمل من غير تقصير
النعمة تسند الليّ يجاهد ويحسن العمل والتفكير
إله السّماء يعطينا النجاح ونحن نعمل بغير تأخير
(5)
" الدين محبة ورحمة"
المسيحي بيحب كل الناس من كل عرق ودين
المسيح علمنا المحبة حتي للاعداء والمسيئين
وجال يصنع خير مع الكل وغفر حتى للصالبين
وقال يا أبتاه أغفر لهم لانهم لا يعرفوا وجاهلين
المحبة تطفئ الكراهية وتحول الاعداء لمحبين
نرفض القتل خاصة لو كان باسم الله أو الدين
الدين محبة ورحمة وعدل مش قتل ابرياء أمنين
ليست هناك تعليقات:
إرسال تعليق