أعظم معجزة وأقوى حب
القمص أفرايم الأنبا بيشوى
نظرت للمسيح على الصليب وسألت ليه كدا؟
وأنت القدوس الممجد في السماء
من صفوف السمائيين بتسابيح الحب!
ازاى ترضى تتجسد وتصير إنسان
وتقبل تسير فى الطريق الكرب؟
تقولي أنك وديع ومتواضع القلب !
وعاوز تعلمنا أزاي حتي المسيئين لينا نحب
عاوز تقول جئت عشان تخلصنا وتعرفنا
ما فى قلبك الله لنا من حنان كأب
عاوز تعلمنا ازاي ننتصر بالصلاة
والصوم على إبليس في الحرب
تقولي عشان تسيروا في طريق القداسة
التي بدونها لن يرى أحد الرب!
تقول أنا جئت لأعلمكم بالقوة والمثل
كلام روحي يدخل لعمق القلب
بس ليه بقي ترتضي بالصليب يارب؟
دا كلمة الصليب عند الكثير عثرة
وللبعض جهالة وبيقولوا دا كدب
دا حتى بطرس الرسول
اللي اعترف بيك مسيح ورب
أما كلمتهم أنك هتتسلم لأيدي الناس
وتتألم وتصلب وفى اليوم الثالث تقوم
قال ليه كدا حاشاك يارب
لكن أنتهرته لأنه لا يهتم بما لله بل لما للناس
واصريت أن تسير في طريق الآلام والصلب
مهو انت اللي قلت أن أراد أحد أن يأتي ورائي
فلينكر نفسه ويحمل صليبه بحب
الصلب مكنش ضعف
الصليب علامة حب
رضى المسيح أن يموت
عشان نعاين وننال خلاص الرب
بالصليب مات البار من أجل الأثمة
وقام ليجذبنا اليه من كل حدب وصوب
بالصليب غلب قوات الجحيم ظافرا بهم في الحرب
على الصليب غفر المسيح للمسيئين
وعلمنا أزاى على مثاله نحب
أحزاننا حملها وأوجاعنا تحملها
والبعض حسبه مصاب من الله
والبعض قالوا مثير فتنة ومهيج كمان للشعب
وهو مجروح لأجل معاصينا، مسحوق لأجل آثامنا
تأديب سلامه عليه و بجراحاته شفينا
كلنا كغنم ضللنا، ملنا كل الي طريقة
وقد حمل خطايانا كمذنب أثيم بالصلب
الصليب أعظم معجزة وأقوى حب
تعالوا نتوب ونرجع لله بكل القلب
تعالوا نؤمن ونتبعه في طريق الآلام الكرب
عشان نعاين ونعيش أفراح القيامة المجيدة
ونقول مع القديس بولس الرسول
مع المسيح صلبت فأحيا لا أنا
بل يحيا ويحل في المسيح الرب
يحيا فينا ونعيش معاه فى سماء الحب
ليست هناك تعليقات:
إرسال تعليق