(1)
رحة البال
تعالوا يا جميع المتعبين والثقيلي الأحمال
للي يغفر الخطايا ويعدل اللي أنحنى ومال
يشيل عنكم الهموم حتى لو كانت بثقل جبال
يرفع عنا التعب ويفرح القلب ويحقق الأمال
أوعى فى ضيقلك تركض أو تجرى وراء مال
ولا تخضع لشهوات إبليس ويغرك يوم جمال
دا كله فاني ومع المسيح وحده راحة البال
تعالو اليه وتعلموا منه المحبة دا كله كمال
(2)
" محتاجين لأيديك"
محتاجين لأيديك يارب دائما تصنع التغيير
ترفع الساقط بمحبة من غير كبرياء أو تعيير
تكون رجاء للبائس وتغني المحتاج والفقير
تشفى المريض وتمسح دموع الحزين يا قدير
الجاهل يتعلم منك وينال حكمة ونعمة فى التدبير
تنصرنا فى الحروب والضعيف بطل معاك يصير
تريح التعبان وتقودنا ومعك سفينة حياتنا تسير
(3)
" هَلُمَّ نَتَحَاجَجْ يَقُولُ الرَّبُّ "
مش أنت اللي قلت هَلمّ نتحاجج معا يارب؟
وأن كانت خطاياكم كالقرمز تصير كالثلج
وأن كنا خطاة تقيمنا وتقودنا معاك للمجد
وقلت أنك بتدعو خطاة للتوبة بصبر وحب
أنا جاي باعترفلك بضعفي وجهلي وذنوبي
أنت الوحيد تقدر تغسل قلبي وتستر عيوبي
أديني تبرير وسلام وكن فرحي ومحبوبي
..........
(4)
" أهدينا يارب"
يارب أهدينا دائما لطريق الحق وصنع الخير
دا أنتٓ يارب اله محب وعلي كل شئ قدير
ومعاك يارب الضعيف يقوي وبطل يصير
الجاهل يأخد حكمة وينال منك نعمة وتقدير
معاك يقوي إيماننا ورجائنا وفي محبة نسير
.............
(5)
"شعلة الإيمان"
قالوا الزمان متلقب وغدار ملهوش أمان
قلت عشان كدا نحتاج بقوة لشعلة الإيمان
إيمان برب رحيم، يهتم بينا ويرحم الإنسان
يقودنا فى طريق الخير ويصبرنا في الأحزان
يا بخته اللي يعيش وينام في رعاية الرحمن
يحيا في سلام الله، مطمئن مهما تقلب الزمان
ينام فى راحة بال بضمير مرتاح ومش قلقان
وحتى عند الموت، تستقبله الملائكة بالأحضان
.........
(6)
"أبني على صخر "
سمعت أنه فيه فى بلاد بعيده مطر وسيول
قلت آه بتصير وكل اللي شايفه يوم هيزول
وصحيت لقيت بيتنا بيهاجمه المطر كالغول
صرخت يارب أرحمنا لا لا دا مش معقول
أصلي اللي بعيد عنا مش زى اللي منا ينول
واللي يبني بيته على صخر يثبته على طول
لكن البيت المبني على رمل، يجيه يوم ويزول
...............
(7)
" أرحموا بعض"
يارب ياللي نجي نوح وبنيه من الطوفان
نجينا وأرحمنا وتراّف علي بني الإنسان
بحر الحياة من غير سيول مليان بالأحزان
صوت قالي أرحموا بعض يرحمكم الرحمن
بالشر والأثم حتى الطبيعة تثور بالطوفان
العالم ذاغ للشر والفساد والناس بقت غيلان
محتاجين للتوبه الي الله والرجوع بالأحسان
أزرعوا خير تحصدوه، دا الشر أخرته خسران
.......
(8)
" سيبوا الوطن"
وطني بدم أجدادي تكون وشجرة شاب
وطنى بعرق أجدادي أرتوي منه التراب
كل ذرة فيك يا وطنى قلبي فيها بحبه داب
ليه يدب فيك الفساد ويهربوا منه الشباب
بخاف عليك من اللي بينهشو فيك كالكلاب
يسرقوا وينهبوا ويبيعوا فيك حتى التراب
خدوا المغانم وأبعدوا عنا يا شلة ذئاب
سيبوا الوطن لي من أجله عانوا العذاب
.....
ليست هناك تعليقات:
إرسال تعليق