للأب القمص أفرايم الأنبا بيشوى
(1)
" توبني يارب فاتوب"
قال : سامحني يارب مش قادر أقلع عن الذنوب
سمع الروح بيقول : أصرخ توبني يارب فاتوب
تستطيع كل شئ بيّ ومعى مش هتكون مغلوب
ربط الخطية كخيوط عنكبوت تنفضها عنك تدوب
تتحرر وتجاهد دا أنت أبني وليّ غالي ومحبوب
أديني قلبك وعيش زى مهو في الإنجيل مكتوب
تحيا في سلام وراحة وتنهل من حبي المسكوب
.......
(2)
" سبحوا الله"
فلتعظم نفوسنا الرب ولنسبحه من كل القلوب
الرب صانع الخيرات وأسمه عظيم ولنا محبوب
من أجلنا تجسد الله، الأبن الكلمة وهو المرهوب
جال يخدم خلاصنا وتألم لاجلنا وصار مصلوب
مات وقام وأقامنا معه وغفر لنا الخطايا
والذنوب
رحمته وسلامه ونعمته تدركنا ونؤمن به ويتوب
سبحوا الله وأشكروه ياجميع الألسن والشعوب
.......
(3)
" ما أطيب الرب"
قلت عرفني أعمل أيه لكي أفرح قلبك المحب ؟
لقيت صوته بيهمس توب وأرجع اليّ بكل القلب
أسعى لتوبة الخطاة وأتبعني في الطريق الصعب
دا السماء بتفرح بخاطئ يتوب ويقلع عن الذنب
أعمل وأزرع الخير ونادي ذوقوا ما أطيب الرب
فرح قلوب الناس الحزينه ونمي الرجاء والحب
قلت قوم طريقي بنعمتك وأنا أتبعك طوال الدرب
......
(4)
" أشكرك يارب"
أشكرك يارب علي محبتك ورحمتك وأحساناتك
كل اللي مر بحياتنا يشهد علي نعمتك وسنداتك
بتغفر وتستر وتخرج من الحفره أولادك وبناتك
بترعانا كراعي صالح ودائما بتشبعنا من خيراتك
ولما نسلك بجهل وطيش بترجعنا للحق برأفاتك
في أمراضنا وضعفنا بتشفي وتقوي أنت بذاتك
ربي القدير المحب كن لحياتي ووقتي أنت المالك
..........
(5)
" نحب الغير ونعمل خير"
يارب يا خالق الكون والشمس والقمر وكل نجوم
خلقت الكائنات والأشجار ووضعت للبحر تخوم
خلقت الأنسان ولم تدعه لشئ معوز ولا محروم
وهبتنا الروح والعقل والجسد كلاً بوظيفته يقوم
أهلنا نعبدك بالروح والحق وبالصلاة والصوم
نحب الغير ونعمل خير ونتعلم منك يارب رحوم
نجينا من المرض والوبأ ومحبتنا لكِ تقوى وتدوم
.......
ليست هناك تعليقات:
إرسال تعليق