للأب القمص أفرايم الأنبا بيشوى
(1)
" الحنين للوطن"
حنيت لزمن الطفولة والقعدة ع النجيل فى ضلة النخلة
ومنظر النيل والخضرة والناس الطيبة للغيطان راحله
وسهره في ضوء القمر والنجوم فستان للسماء غازله
وفرحتى بصيد السمك يشبع البيت ويفيض عن أهله
وسعادتنا رايحيين الكنيسة وكأني السماء علينا نازله
ورحت بالروح للسماء وكم هي عن كدا تكون أحلى !
ما لم يخطر حتى على البال ما أعده الله للي يستاهله
.......
(2)
" الحياة الأبدية "
جاهد الجهاد الحسن لتمسك بالحياة التي اليها دُعِيتَ
بالإيمان العامل بالمحبة أملأ أنيتك محبة وخير وزيت
اسهر على خلاص نفسك وأبعد عن الشر مهما قاسيت
بالمحبة ملكوت الله يحل فيك وفي ظل الله القدير يبيت
أنقاد بالروح وليكن لك فكر المسيح في العمل والبيت
الحياة الأبدية معرفة لله بالروح والثبات فيه بلا تشتيت
كلام الحياة الأبدية عند المسيح اسمعه وأعمله ياريت
.......
(3)
" انواع من الكنوز"
الناس بتركض لتجمع علي الأرض أنواع من الكنوز
ناس بتجمع مال أو مناصب وبيوت وكله نفسه يحوز
واللي بيجمع بيخاف علي اللي بيملكه يفقده ويعوز
وتمر علينا التجارب والضيقات والخليقة فيها بتجوز
واللي مسنود على محبة ربنا وعمل الخير عنده كنوز
المال خدام عنده وعمل الرحمة في السماء له مكنوز
ويورث ذريته مخافة الله وكنز عظيم جيد ومهزوز
أطلب ملكوت الله وبره ولا يوم ربنا راح يتركك للعوز
.....
(4)
" ختام الأمر كله"
كل دقيقة تلاقي كام مولود جديد يجي للدنيا ويتولد
يفرح اهله ويقولوا بكره يكبر ويكون لينا عون وسند
ينمو ويكبر ويشوف المتاعب وقد يلوم أهله أنه أتولد
جينا من غير ما يكون بايدينا وعلينا أن نفيد ونستفيد
مولود المراة، شبعان اتعاب، قلت سني حياته أو تزيد
ما بين الولادة والانتقال نزرع واللي بنزرعه ها ينحصد
ختام الأمر كله اتق الله واحفظ وصاياه فهذا ما ساتجد
.......
(5)
" اشكرك يارب "
نفسي أطير زي العصافير على الشجر أغني وأعشش
لو أكون عصفور ها تحرر من القيود لكني ماعرفتش
لو أكون وردة تدى ريحه طيبة للغير تسعدهم وتنعش
لكن شكرت الله اللي خلقني إنسان على الحق بيفتش
بالصلاة والصوم أطير للسماء والروح تنمو و تتنفس
ارسم صور وكلام يشجع الغير وللنفس يفرح ويهمس
وفي كل شئ نشكر الله ونصلي لينمي ويسند ويحرس
ليست هناك تعليقات:
إرسال تعليق