(1)
"أختيار"
دنيا نشوف فيها أشرار وأخيار
جه فيها الإنسان مش بالأختيار
هيتركها أمتى وفين ملناش قرار
لكن بين الولادة والموت بنختار
أختيارتنا مسئولية مش أضطرار
نجاهد لضبط النفس ونحيا أبرار
ألقمص أفرايم الأنبا بيشوى
.........
(2)
" الأن أبصر"
ماشي فى الدنيا كالاعمي
وبيفتكر أنه مفتح وبصير
الشهوات جعلت فكره مظلم
وبيدعي أنه حكيم ومستنير
وأما قابل المسيح نور العالم
نور عين قلبه وصنع التغيير
قال كنت أعمى والأن أبصر
صانع العجائب الرحيم القدير
مجدا وكرامة لالهنا الصالح
يحرر ويجعل الأعمي يستنير
......
(3)
" أتقى الله"
مش عاوزين منك يا دنيا أشئ
هو اللي قبلنا لما سابك ومشى
خد منك حاجة يا شيخه أختشى
دنيا زي عروسه لابسه شفتشي
اللي يجرى وراها تغريه وينتشى
تجره للقبر يندفن ويبقى كلا شئ
أتقى الله وحبه من قلبك تبقي أشى
......
(3)
" بيحبني كما أنا"
رغم ضعفي وجهلي بيحبنى كما أنا
تجسد وبذل ذاته وجه علي أرضنا
جاء لتكون حياتى أفضل وفيها هناء
دعى أسمه عليّ وجعلني أبن له أنا
من حبى ليه أحيا فيه ويحيا فيّ هنا
حياتي معاه قيمتها كبيرة مش للفناء
قائد حياتى وراعيا ومليش عنه غناء
.......
(4)
" سيروا في النور"
طلع الصبح لله وغردت فيه العصافير
أشرق النور ومنه الظلمة طارت طير
سهل طرقنا يارب ورافقنا فى المسير
أجعلنا يارب في النور علي طول نسير
أحفظ بلادنا يارب من كل حاقد وشرير
أنعم علينا برضاك ونجول نصنع خير
ولا تحوجنا لغيرك يارازق صغار الطير
.......
(5)
" مع لا أريد شئ"
بذلت ذاتك حتى الموت تعبيرا عن حبك ليِّ
وأنا سوداء ولا جمال أو منظر في تشتهيّ
وعوضاً عن حبي لك قلت أبعد وعنك أختفيّ
لكنك تشدني بالمحبة وتتطلع اليّ ولا تكتفيّ
الهي ما أعمق حبك وما أعظم رحمتك لشقيّ
أقُدم جفاء تُقدم حنان أقُدم خيانة تبقي وفيّ
محبتك تحصرني، فمعك حبيبي لا أريد شئ
ليست هناك تعليقات:
إرسال تعليق