الأب القمص أفرايم الأنبا بيشوي
مصر يا ناس بقت جنة
والكل بيها بيتغنى
ويقول مواويل مصرية
مبقاش واحد فقير
كبير أو صغير
راكبين طيارة وعربية
والصحراء عمرانة
ببيوت وسعانة
وزراعة زي الفل
فيها خير بيأكل منه الكل
وبتصدر لبلاد العالم
والجنية بقي أغلي من الدولار
ومبقاش فيه أشرار
ولا ينقطع تيار
ولا غلاء فى الأسعار
السياح أكتر من السكان
ماشيين في كل مكان
والكل عايشين في أمان
عشان الضمير بقى يقظان
والعدل علينا حل
والحق بقي بيهل
والرحمة مليه قلوب الناس
والشيطان بقى بعيد بره
بيلقي علينا نظره
ويصرخ غلبتوني
بالمحبة والصلاة
والصراخ الي الله
وصحيت من حلمي
لكن أنا في علمي
أن الحلم يوم ها يتحقق
في يوم من الأيام
وحتى أعظم المشاريع
في يوم كانت أحلام
وبهمة الرجال
اللي فى مصر
يجود بيهم الحنان
تصبح الأحلام
حقيقة مش خيال
ليست هناك تعليقات:
إرسال تعليق