(1)
رجائنا فى المسيح
نضع امام عيوننا المسيح كلي الكمال
علي غير الله لا نعلق ابدا رجاء او أمال
دا الناس بتتغير وكلنا لا محال الي ذوال
واحنا لا يفيدنا منصب ولا جمال أو مال
مش هناخد معانا شئ غير صالح الاعمال
الامين ياخد اجرته أضعاف ويصل للكمال
ولقمة يابسه ومعاها سلام تريح لنا البال
......
(2)
نقرع علي بابه" "
احنا غلابه وبنقرع دايما علي بابه
عاوزين نخدمه ومعاه العالم نجابه
نكون علي صورته وسيرته نشابه
هو يقودنا ونتبعه ونتعلم من كتابه
ومع ربنا لانخاف مخلوق ولانهابه
دا هو راعينا وأبونا ودعانا أحبابه
واللي بده ربنا نحبه ونكون طلابه
.....
(3)
" القلب الكامل"
من فضلة القلب تكتب الأيد والقلم
وأما المشاعر تتحرك يقول العقل عُلم
وكتر البكاء يعلم النوح من غير ندم
دا مفيش أكمل من قلب مجروح بالألم
الحياة مدرسة منها نتعلم خبرة وحكم
اللي يعيش يشوف واللي يبات مظلوم
أفضل من اللي يتعب الناس ولهم ظلم
....
(4)
"كن مطمئن"
مهما اراد الناس بك من شر
أو حتي فعلوا لك ما هو خير
كن دائما مطمئن وخليك واثق
أنك في يد اله حكيم في التدبير
ما بينسي أبداً يوم كأس ماء
أو لقمه تقدمها لمحتاج وفقير
يردها لك أضعاف علي الأرض
وفي السماء أبدية وخير جزيل
......
(5)
" حياة السلام الداخلي"
هو شاب لكن عمره عدى حتى ولا الف عام
عايش وحيد ولكن فكره مليان بناس وزحام
صامت ولكن قلبه كله أشجان وأحزان والآم
بقوله أهداء قال بعد الوحدة والصمت فيه كلام!
قلتله هدئ حواسك وفكرك وما تعيش فى أوهام
وخلى قلبك ينبض ويصلي بمحبة لله وبدون كلام
جرب كدا أيام رجع فرحان وقالي بقيت كلي سلام
ليست هناك تعليقات:
إرسال تعليق