الي كل نقطة دم
راحت ضحية
لحادث اليم
أو غرقانة في الميه
أو من حوادث العنف الكتير
اللي بنسمع عنها
فى أيامنا الصعبة ديه
أنتِ غاليه قوى
على أهلك وعليا
وانتِ عند الله العادل الديان
أبداً ما كنتي في لحظة عين منسيه
.....
الموت علينا حق
والأخرة بينا من الأخر
هي أحق
بس لازم نقيم العدل
ومعاه نجيب الحق
والدم الذكي الكريم
اللي راح لدار الحق
يصرخ وينادى فينا بحق
أصحو وقولوا الحق
.....
إلي كل نقطة دم مصرية
راحت ضحية
في سيناء عل الحدود
عنا كانت بتذود
في القاهرة المزدحمة والولود
أو فى أسوان أوأسكندرية
في الواحات علينا تجود
للأوطان بحرية
دم أولادى غالي عليا
وقلوبنا من أجله حزينه وفيه
ولازم يصحي ضماير ماتت حيه
ويصرخ فينا طالب عدل وديه
......
إلي كل قطرة دم مصرية
راحت فداء الإنسان أو الأوطان
عند الفادى الرحمان
لها أجر وعنده هي
أمنة حيه
وقلوبنا لها وفيه
وأحنا أهلها نطلب لها رحمه
ونصلي ونطلب لينا
صبر وعدل وتعزية
دى دماء برئية وضحيه
تصرخ لكل إنسان
أعمل الرحمة والأحسان
عشان العدل والحق يبان
ونعيش بكرامه لكل إنسان
واللي ما يصحا ويعمل حق
تصرخ فيه الدماء البرئية
الدور عليك يا خيبان
دا دم هابيل صارخ
عبر واديا
من قتل يوما بالسيف
السيف عليه جايه!
واللي بيعمل حق
لا يخشي حتى السيف
أن كانت عليه جايه
دا بين يدي الرحمان
نفسه محميه
ليست هناك تعليقات:
إرسال تعليق