{ أنا الرب شافيك}
(خر 15 : 26)
لو انت تعبان من سنين
ومش لاقي حد يسأل فيك
وفى وحدتك وأنينك والآمك
مفيش معزى أو حد حاسس بِيك
ونفسك ملاك يجي من السماء
يقولك اني الرب طبيبك وشافيك
زي الوحيد المخلع على بركة الضأن
منتظر فى حسرة والألم معين يداديك
أوعي تكون فقدت الأمل والرجاء
أو اليأس والحزن بقى معشش فيك
جه اليوم الإله الرحيم الحنون ،
والمقتدر يقول انا الرب شافيك
قوم أحمل صليبك وأمشى معايا
وانا غافر خطاياك وانا فاديك
بس أوعى ترجع للخطية تاني
وتوب لحسن تكون أخرتك أشر
من الأمراض اللى كانت فيك
قوم أشكره وحدث دوما بفضله
يخلصك ويفرحك ويبقي معين ليك
وأنمو فى المعرفة والحب والفضيلة
وأثمر قبل ساعة الوفاة ما تؤاتيك
تفرح هناك معاه وتلاقى الملايكة مهلله
والسماء بجمالها وافرحها ترحب بيك
ليست هناك تعليقات:
إرسال تعليق