(1)
" سلم حياتك لله "
سعادتنا مش بناخدها أبداً من الظروف
فرحنا لا يعتمد علي الناس اللي بنشوف
سلامنا ناخده من إيماننا بالله الرؤوف
نحكي ونبوح له بضعفنا من غير كسوف
سلم حياتك لله وهو يذيل الحزن والخوف
أنت فى حضن الله وعنده كل شئ مكشوف
فرحنا وراحتنا فى ربنا وشعرنا له معروف
يقودنا للسماء ومنه بالإيمان عجايب نشوف
.....
(2)
" بالإيمان المهلك يعبر"
يا اللي أقمت لعازر زمان بعد أن أنتن بالموت
أديته حياة وفرحت قلوب أهله بقوة اللأهوت
أدينا خلاص وقيامة ونجاة ولو بكلمة وصوت
أقمنا من موت الخطية وأحفظنا وقودنا للملكوت
بالإيمان المهلك يعبر عنا وننجو والشر يفوت
رجائنا وفرحنا وسلامنا راسخ وفيك نحيا بثبوت
نثمر ونعاين مجدك ولا يقوى علينا حتي الموت
.....
(3)
"هياكل مقدسة لله"
أيها الرب الهنا الملك العادل المنصور الوديع الديان
يامن أستقلبته قديما أورشليم بسعف النخل والأغصان
هاتفين يارب خلصنا وهم ينشدون لك باجمل الألحان
نحن نكرس لك حياتنا ونقول خلصنا يا رب يارحمان
أملك علينا وخلصنا من الخطية والشر وأعطنا الإيمان
طهر قلوبنا وبيوتنا وكنيستنا وبلادنا من قوى الشيطان
بيتك بيت الصلاة فلا يتحول لمغارة لصوص ذلك المكان
لنكون هياكل مقدسة ونقدم لك السجود علي مر الأزمان
.....
(4)
" درب الصليب"
في أسبوع الآلام نتبعك أيها المسيح الحبيب
وأنت تعلم وتعمل وتقدم لنا بذلاً وحباً عجيب
أنت القدوس تسير كمذنب حاملا عار الصليب
تصبر على ظلم الأشرار بصفح وأنت المهيب
تغسل الأقدام وتمحو عنا الخطايا أفلا نستجيب؟
نتوب ونرجع ونتبع خطاك بحب فلكل منا صليب
وبعد الصليب نعاين مجد ونور القيامة عما قريب
.......
(5)
" التوبة والأستعداد"
أوعي تكون في حياتك كشجرة التين
مورقة وخضراء لكن بدون ثمر ثمين
بالرياء والكبرياء والشرعايش لسنين
ولا يجد فيك الرب هيكل مقدس وأمين
ويأمر أقطعوه لا نبطل الأرض بما يشين
فلنتوب ونثمر بسرعة ونتمثل القديسين
ونكون دائما لملاقاة الله ومجيئه مستعدين
.....
ليست هناك تعليقات:
إرسال تعليق