الأب القمص أفرايم الأنبا بيشوى
فأر شفته فى بيتي يوم
صحاني من النوم
ولقيته وحيد مسكين
جبلته خيار وقلت يا فأر
لك الخيار تأكل وتهدأ
ولا تموت وتشويك النار؟
أكل الخيار وبقي اليف
يكتفى معاه بلقمة رغيف
وحتة جبنه يأكل ويهنه
أندهله يا ببسي
يجي لي يجرى
وكبر وأتعلم
وبقي مش ناقصه الا يتكلم
وكبر الفأر وبقي مغوار
على حرمة بيته
يدافع ويغار
لو فأر غريب دخل لبيتى
يأخد العلقة ويقول ياريتني
ما دخلت وجيت
بقى وفى وهمام
ويقوم بمهام
يجمع لي الفضلات
الى سلة المهملات
يصدق ما يشوفنى
يفرح ويغنى
فى زمن غدار
بقى فيه الفأر
أوفى من ناس كتار
تأكل وتنكر
وتعض الايد
اللى تمتد بالخير لبعيد.
ليست هناك تعليقات:
إرسال تعليق