(1)
طاقة عطاء وحب
غيرني وطهرني وحررني بنعمتك يارب
تعالي أنت بالإيمان وحل فيَ وأملأ القلب
مهو أنت أعظم قوة تغيرني بقي بالحب
اللي مقدرش عليه كابن تقدر عليه كأب
أديني فكرك المقدس، أعيش معاك بالقرب
شهوات العالم والذات خليهم عني غرب
لا شئ غيرك يشبع وفرحي في بعدك كذب
بسلملك يارب امري قودني معاك في الدرب
أملاء كياني بنورك خليني طاقة عطاء وحب
.....
(2)
"عيونا بتترجاك"
يارب بنعمتك ورحمتك تطلع وأشفي كل مريض
مرضي الجسد والنفس والروح الصحة ليهم عيد
قوم يارب اللي مال وأنصف المظلوم ورد الطريد
أسندنا فنخلص وبنعمتك نحدث ونسبح ونشيد
أعلن رحمتك للخاطي والشرير والبائس والبعيد
عيونا بتترجاك وليس لنا سواك نرجوه بحبه الفريد
أنت أبونا السماوي، أرحمنا ونجينا وحقق المواعيد
.........
(3)
"الشاهد والشهيد"
زمان قام قايين علي اخوه هابيل وقتل ذلك البار
وأخفي جسده وقال أحارس أنا لأخي، يا للعار!
صوت دم هابيل صارخ لله بيطالب بالعدل من الغدار
هابيل صار شهيد الحق وشاهد علي ظلم الأشرار
سمع الرب لصوت هابيل وعاش قايين فى محتار
أعمارنا هتنتهي ولكن لنموت ميتته الناس الأبرار
ونبعد عن الحسد ونحيا مع الله من الخطية أحرار
.....
(4)
" طوبى للرحماء "
أوعي تجيلك الفرصة ترحم غيرك وماترحمش
علي فعل الخير ومساعدة لمحتاج أبداً ما تتاخرش
تلاقي ربنا يديم رحمته عليك حتى لو مابتطلبش
الرحمة تنجي وتخلص وعن الرحماء ربك مابيغفلش
كن أيد تساعد وكلمة وبسمة تريح للي مايملكهمش
تفرح أنت والناس وربك عن رد جمايلك ما بيبتش
الأنبا أبرام مثال جميل واللي مايزرعش مابيحصدش
طوبى للرحماء فانهم يرحمون آية جميلة مابتكدبش
......
(5)
" يرد نفوسنا ويهديها"
زي اليمامه ما بتفرد جناحيها،
علي فراخها الصغار وتراعيها،
تطير تجيب الأكل وتحرم نفسها منه ،
ومن فمها تخرجه وتجوع وتغذيها،
ربك ما بيتخلى عن بناته وأولاده ،
كل وقت، ليل ونهار نلاقيه يراعيها
دا ربنا لينا أحن من الأم الرحيمة
عيونه سهرانه مابتنعس ولا تنام
لايعوزنا شئ ويرد نفوسنا ويهديها
......
ليست هناك تعليقات:
إرسال تعليق