نص متحرك

♥†♥انا هو الراعي الصالح و الراعي الصالح يبذل نفسه عن الخراف يو 10 : 11 ♥†♥ فيقيم الخراف عن يمينه و الجداء عن اليسار مت32:25 ♥†♥ فلما خرج يسوع راى جمعا كثيرا فتحنن عليهم اذ كانوا كخراف لا راعي لها فابتدا يعلمهم كثيرا مر 34:6 ♥†♥ و اما الذي يدخل من الباب فهو راعي الخراف يو 2:10 ♥†♥

الثلاثاء، 26 يوليو 2016

شعر قصير - 29 ذرع وحصاد

شعر قصير - 29

ذرع وحصاد
للأب القمص أفرايم الأنبا بيشوى
(1)
"الزرع الجيد"
ياللى بتزرع خير محتاج صبر طويل
نقب تربة قلبك وشيل القسوه والتدليل
أسهر جاهد ونور الكلمه خليه لك دليل
أهرب من شهوات العالم لا تخليك ذليل
روض نفسك على التقوى نهار وليل
حب الغير وأعمل خير فى العالم العليل
بكره تفرح وانت بتحصد وتنال التبجيل

.........
(2)
"ادخل سفينة حياتنا"
سفينة حياتنا تواجه الامواج والريح والعواصف،
نجدف، نكافح، نصارع، ولغيرنا نشكى ونهاتف،
يزيد الموج وتهيج الريح وتكسر حتى المجادف،
نصرخ فينك يارب تكون لينا منقذ وميناء وناصف.
أدخل سفينة حياتنا، انت سلامنا وبدد كل المخاوف .
تعالى تعبنا وخارت قوانا وإبليس بالمرصاد لينا واقف
قود السفينة وكون لينا سلام دا انت يارب بحالنا عارف

.....
(3)
"أزرع في بلادنا المحبة "
ياللى شفيت النازفة والاعمي وأقمت الاموات
دم اخواتى بينزف وفيهم اللى من الخطية مات
وأنت يارب موجود وقادر تعمل فى كل البلاد.
تيجى بحنانك توقف نزيف الدم وتقيم موتى الفساد
فيه كتيرة ناس محتاجة واللى فيهم بيعاني الأضطهاد
والكراهية بتقتل شعبى وبقسوته الشيطان والشر ساد
تعالى يارب وأزرع في بلادنا المحبة لك ولكل العباد
.....
(4)
"الحق يطالب بالعدل"
زمان قتلوا الصوت النبوى الصارخ بالحق فى البرية
قتله الملك الظالم هيرودس علشان يرضى غازية
يوحنا وراح السماء يصرخ ويطالب بالعدالة الإلهية
المظلوم يموت ويرتاح، والظالم ياويله من رب البشرية،
لاسلام يلاقى على الارض والنقمة فى السماء منه قوية.
هل يتعظ الحاكم والقاضي ويحكم بالحق فى كل قضية
ويبقى يوحنا يقول لا يحل لك ياظالم، النقمة عليك جايه
.......
(5)
"مصدر الشبع والسعادة "
محتاج وبتبحث عن الشبع بين الجموع
حاسس بالحرمان والوحدة وحياة الجوع
تعالى واقترب وأشبع بالسعادة من الينبوع
دا سواقى الرب مليانه وأنينك عنده مسموع
وبركة ربنا تغنى المحتاج وتروي الزروع
بائس اللى يدور عن شبعك من وادى الدموع
وتبعد عن نبع المحبة اللي من الرب يسوع
.......

ليست هناك تعليقات: