(1)
" ينابيع نعمة"
عطشان يارب أنا لمحبتك وانت اللي ترويني
في حر الصيف تظلل عليّ بعنايتك وتحميني
تشبعني بدسم نعمتك وفي جوعي أنت تغذيني
أنت راعي الأمين ونبع الحب اللي مالي عيني
أن سرت في وادي ظل الموت وحدك تنجيني
روحك القدوس يفيض فيّ ينابيع نعمة تغنيني
تملاني بثمار الروح وتقودني يارب وتهديني
......
(2)
" أقبل صلوات شعبك"
اقبل صلوات شعبك الصارخين اليك ليل نهار
وأمحو أثامنا وخطايانا وخلصنا من عذاب النار
أرجعنا اليك فنرجع من هموم العالم ونحيا كابرار
أسكب علينا من روحك فتنطلق صلواتنا كسهام نار
خلصنا من الرياء والمظهرية وأبعدنا عننا الاشرار
أدينا روح الصلاة لنعبدك بالروح يا قدوس وبار
روحك القدوس يحل فينا ويجعلنا من الخطية أحرار
........
(3)
"أنتظر الرب"
أنتظر الرب وأصبر وصلي مهما صبرك طال
خلي أمامك صبر نوح وأبراهيم وأيوب كمثال
بالعمل تتغير الأمور للأفضل وتتصلح الأحوال
بالانأة نفرح ونرث المواعيد والأجر من الله ننال
رابح النفوس حكيم وبايمانه ومحبته يحقق الأمال
الكلمة الحلوة تفرح القلب وتهدئ وتريح متعب البال
خلي رجائك في ربنا وأطلبه بثقة وهتبقي عال العال
.......
(4)
" طوبي لصانعي السلام"
المحبة الحقيقية بالعمل والحق مش بالكلام
المسيح بذل ذاته علي الصليب وصنع السلام
أحنا واجب علينا نقدم للغير محبة مش خصام
نعمل حتي بالقليل اللي نملكه نصنع خير ووئام
نحاول نسعد غيرنا ونقدم للغير فرحة مع ابتسام
طوبي لصانعي السلام لانهم لله ابناء وبنات كرام
........
(5)
" ثقى فى وعود الهك"
ثق في وعود الهك دا هو بيحبك ومش ناسيك
هو سلامك وفي ضعفك حاسس بيك وبيقويك
تجسد وجاء أرضنا وجٌرب وعاني حبا فيك
صلب لخلاصنا وقام لتبريرنا وقال انا هافديك
انا معاك كل الأيام يا أبني برعاك وعيني عليك
ادعو الرب فهو قريب وأتكل عليه وهو ينجيك
يقودك وينجح طريقك وتفرح معاه ويفرح بيك
......
ليست هناك تعليقات:
إرسال تعليق