للأب
القمص أفرايم الأنبا بيشوى
(1)
صوتك
الرب
بين الأصوات والإغراءات اللي حولينا وهي كثيرة
نسمع أصوات مختلفة، مزعجة أو مشوشة أو مثيرة
أصوات تصيب بالاضطراب أو الاكتئاب أو الحيرة
صوتك يارب هادى وديع بحب أسمعه وأكون أسيرة
صوتك يشجع نفسي ويهب قوة وللحسنى غيره
صوتك بيهدي خطوتي ويجعل حياتي حلوة ومنيرة
بطاعة صوتك جموع كثيرة عاشت قداسة السيرة
......
(2)
"
حبك يارب"
أقول أحبك وأعترف لك في كل نبضه
أحب أعيشلك حياتي في كل لحظة
دا أنت جمايلك واحساناتك مغرقاني
وحبك يا ربي خلي حياتي شكل تاني
ملاء حياتي حب وسلام وملك كياني
ياللي بحبه للبشرية جه ومات وفداني
حبك يارب خلي لحياتي قيمة ومعاني
......
(3)
" غامرني بالحنان
"
بيسألوني ليه تحبه ومعاه دائما فرحان؟
قلت نحبه لأنه أحبنا ونعيش معاه بالإيمان
دا بحبه لينا نزل من السماء وصار انسان
لأجلنا صُلب ومات ودفن ولفوه بالأكفان
وهو حي بلاهوته لا يحده زمان ولا مكان
وقام وقال يا ابني أنا لك خلاص وأمان
اديك حياتي وأطهرك من الخطية والادران
بروحي اعلمك ولك في السماء أحلى مكان
ازاي يا ناس محبوش وهو غامرني بالحنان
.......
(4)
" الله المحب والحنان"
فى كل أشراقة صباح يوم جديد
محبة وإحسان ربنا أشوفه يزيد
يقوليّ أنت ليّ أبن محبوب وفريد
بأجدد رحمتي وأرعاك بحب شديد
مادامت ثابت في وبتسير معي بالأيد
اللي تضبط الكون كله وترفع العبيد
وتدعوهم للبنوة والمجد والمواعيد
أنصرك وأفرحك مهما الحروب تزيد
......
(5)
" راسخ في الإيمان"
خليك قوي و ثابت راسخ في الإيمان
لا تتأثر بتعاليم غريبة ولا بقول إنسان
ابني نفسك على الصخرة فيثبت البنيان
أنت عزيز علي ربك وفي عيونه منصان
ولو هاج عليك الشر وأعوان الشيطان
أصرخ بتواضع لربك، نصرته لك تبان
بصبرك تربح نفسك وتحيا معاه فرحان
......
ليست هناك تعليقات:
إرسال تعليق