(1)
"نعمة غنية "
بنعمة غنية منك يا قدوس يا بار
أخترت الخاطية واللص والعشار
غيرت عبيد للشر وجعلتهم أحرار
بأبوة فريدة أديتنا نعيش الاسرار
أديتنا بنوه وروح قدسك نور ونار
يحرق كل خطية ويرشدنا كفنار
نسبح فضلك، ونحبك بكل أصرار
روحك يثمر فينا ونحيا فى الانوار
.....
(2)
"أنر عيون قلبى "
أنر عيون قلبى وروحي يارب
خلينى أحيا الإيمان لك فى حب
أعمل ارادتك فى طاعة من القلب
أسير معاك حتى لو يطول الدرب
أذوق حنانك يا أطيب واعظم أب
يقوى رجائي فى الطريق الصعب
بعد الآلام قيامة معاك ومجد وقرب
.....
(3)
"خلاني سعيد "
انا كنت ميت بالخطيه، عايش بعيد
إبليس خلاني ليه خاضع من العبيد
الله الغني فى الرحمة يحيي ويعيد
الروح فى الميت ويخلق من جديد
حنانه أقامنى وقبلنى وخلاني سعيد
بنعمة خلصنى من الآسر بحب فريد
وروحه بيقودنى للخير دوما للمزيد
....
(4)
"روحك معايا "
برحمة الهي وحبه انا مش بعيد
ولا فى حزني وخوفى متروك وحيد
حنانه وروحه خلاني محبوب وفريد
روحك يارب يجدد الحب والمواعيد
ويدينى عزاء وسلام وفرح جديد
إيمانى وحبى يوم عن يوم لك بيزيد
قلبى هيكل لروحه وصلاتي كنار تقيد
.....
(5)
"جسد واحد "
أسمك القدوس يارب دُعي علينا
بحكمتك ونعمتك تقودنا وتهدينا
بوداعة وتواضع نسلك يا فادينا
نحتمل فى محبة، نقتدى براعينا
نبنى كجسد واحد ونكمل بعضينا
مهما واجهتنا رياح وهاجت علينا
بقوتك ننتصر ونوصل يارب للميناء
......
ليست هناك تعليقات:
إرسال تعليق