(1)
نهر العطايا
يارب ياللي مخازنك مليانه ونهر عطاياك دائم الجريان
أدينا إيمان قوي ثابت وخليه منا في الشدة تملي يبان
ارزقنا من خيرك ولا تحوجنا نسأل ونطلب من أي إنسان
ادينا نقاوة قلب وعفة حواس وفكر وتسامي في الحرمان
أدينا منك يارب تعزية وصبر ورجاء راسخ فيك يا حنان
أهدنا لحب الخير والغير وأحفظنا من إبليس ومن له اعوان
ادينا قلب وروح تحبك وهدوء وسلام لنحيا معاك في أمان
............
(2)
"عمل الخير"
من أول السنة إلي اخرها كنت معانا صالح وحنين وأمين
حتي لو سمحت نمر بضيقة أو تجربة كنت بتسند وتعين
يارب لاحساناتك ولعطاياك وجودك معانا دائما شاكرين
كما كنت معانا في الماضي هتكون معانا يارب طول السنين
احنا بمراحمك ولطفك وحبك لنا رجاء راسخ وفيك واثقين
تغفر خطايانا وتسامح تقصيرنا وتدينا نعمة نرجع لك تائبين
نحيا في حبك ومحبة الغير ونتعلم منك عمل الخير كل حين
.......
(3)
" أرحمنا يا الله"
يارب انظر الينا بالرحمة دا الغلاء بيهاجم كالناس كالدياب
والجوع أو الفقر أو المرض بنعاني منه وبيطرق علي كل باب
أرحمنا من الجهل والتعصب والفساد والمه رض يارب الارباب
ادينا أحشاء رحمة وقلب يحن علي الصغير واللي شعرة شاب
أدينا مسئولين يقودوا بضمير صالح وهب عمل مناسب لكل شاب
أحفظ رعاتنا وقدس شعبك وأفتقدنا كراعي صالح يطهر الالباب
في كل ضيقنا ومشاكلنا نرفع عيونا اليك أعنا واجعلنا لك أحباب
.....
(4)
" ملناش غيرك"
يارب ملناش غيرك نطلبه ونحتمي بيه ياللي بترعي صغار الطير
ارعانا وقدنا وأهدينا وادينا حكمة من روحك خلينا لمجدك نغير
أحمي بلادنا وشعبنا وأنعم علينا بالسلام ويكون خيرك لينا وفير
وحد قلوبنا ولا تحكم فينا ظالم ولا ضعيف ولا يغلبنا عدو الخير
اشفي مرضانا وعزي الحزاني وأغني واشبع كل محتاج وفقير
أهدي اللي ضل وأعدل اللي مال وأقم الساقط وأبعد عننا الشرير
أجعل بلادنا واحة امان وأسعد أهلنا وأجعل قلوبنا عامرة بالخير
......
(5)
" روح جديد"
لتكن عيناك يارب علينا ويداك تحفظنا في كل يوم جديد
نقدم لك الشكر يا الهنا الصالح ولك يحلو التسبيح والتمجيد
نصلي لتكن حياتنا مملوء بثمار الروح ومحبتنا لبعض تذيد
أشملنا بسلامك وأهدينا بمحبتك وهب لنا قلب وروح جديد
أحفظ اهلنا وشعبنا وأحبائنا وبلادنا وأبعد الشر عنا بعيد
أنعم علي مرضانا بالشفاء وهبنا روح العمل والامل والتجديد
أرزقنا قناعة وشبع وارتواء ودائما ننمو ولعمل ارادتك نريد
......
ليست هناك تعليقات:
إرسال تعليق