نص متحرك

♥†♥انا هو الراعي الصالح و الراعي الصالح يبذل نفسه عن الخراف يو 10 : 11 ♥†♥ فيقيم الخراف عن يمينه و الجداء عن اليسار مت32:25 ♥†♥ فلما خرج يسوع راى جمعا كثيرا فتحنن عليهم اذ كانوا كخراف لا راعي لها فابتدا يعلمهم كثيرا مر 34:6 ♥†♥ و اما الذي يدخل من الباب فهو راعي الخراف يو 2:10 ♥†♥

الثلاثاء، 28 مارس 2017

محتاجك أنت


للأب القمص أفرايم الأنبا بيشوى
.......
محتاجك أنت كراعي صالح
مش أي حد يوجهني بس
لفين المنافع والمصالح
دا أنت تقودني وراك أسير
كسفير صالح
أدعو للتوبة والتصالح
ولما أتعب وأخور،
تكون لي ظل
وتاخد بيدى لبر الأمان
ولما أعطش ترويني أنت
من نهر حبك
ولا يوم في قربك أبداً أذل
......
محتاجك أنت يا نور العالم
ومعاك حياتي تكون
وأضحة المعالم
مهو أنت ياربي بضعفي عالم
ومعاك يكون يارب قلبي سالم
من الشرور اللي في العالم
وأعمل أردتك كل حين
من غير ما أكون أنا بس حالم
نورك يبدد ظلمتي
وهو يقود حياتي وخطوتي
ومعاه تكون مستنيره نظرتي
تسكن في قلبي كنصيب دائم
لحياتي تكون ضابط وحاكم
..........
محتاجك أنت خبز الحياة
معاك هاشبع من بعد جوع
واَشبع معاك كمان الجموع
وتكون سعادتي من غير دموع
مهو فيك أنت يا يسوع
كل السعادة والرضا
ومعاك منا يفوح ثمر الروح
ونضمد معاك للناس جروح
نشهد لحبك فين ما نروح
ننمو وأمامنا بابك مفتوح
وفيك الثبات حتي الممات
ويكون لينا معاك قيامة وحياة
سلام ومحبة كل الأوقات
.....
محتاجك أنت باب الخراف
معاه أقوم وأسير وأنام
من خير ما أخاف ولا أهاب
من الأسود ولا الذئاب
وبيك أدخل لبيت الآب
وأشبع معاك بدسم الكتاب
وتعلن لي أسرارك من غير حجاب
وتحل فيّ وأحيا بيك
كلي شباب
محفوظ بيدك في الذهاب أو الأياب
تغفر ليّ ذنوبي كاب صالح
من غير عتاب ولا عقاب
........
محتاجك أنت سيد حياتي وربها
عريس نفسي ومحبوبها
سلام لذاتي في ضيق الحياة وكربها
مخلص نفسي من عيوبها وضعفها
ومن شهوات العالم وشرها
تديني غلبه في حروب إبليس ومكرها
تديني نعمة وحكمة لروحي تقودها
وبيك أثمر وثمري يدوم للمنتهي
ولما يدنو وقت الرحيل
الأقيك يا أبويا
لروحي حضن حنون يضمها
وتبقى أنت وحدك لروحي فرحها
وأحيا معاك أمجاد السماء وأنوارها
....

ليست هناك تعليقات: