(1)
" يا أبني توب"
بتقوله يا أبني توب. قال لها أنا حر
قالتله خايفه عليك دا الخطية تضر
حلوه لدقايق فقط وأخرها هلاك ومر
اللي تشتهيه اليوم،غدا تلاقه ما يسر
دا العبد للشهوات أزاي يقول أنا حر
لازم يا والدى من الخطية تبتعد وتفر
الحر يضبط ذاته ويبتعد عن كل شر
.........
(2)
" الحرية الحقيقية"
أفضل شئ للمؤمن فى حياته الأنسانية
أنه يكون مش مستعبد بالذنوب ولا الخطية
لايستعبده إنسان ولامال ولا شهوة ردئية
بالمحبة يخدم فى أخلاص وصفاء النية
نعيش حياة الرضا والشكر على أقل عطية
لا نطمع فى غني ولا تذلنا أطماع بشرية
أن حررنا المسيح نحيا حياة سعيده نقية
ضابط نفسه، يرتاح باله وفى عيشه هنية
.......
(3)
" غربة"
غربة أنك تسافر وتعيش في بلاد بعيده بره
تبعد عنك بلدك ووطنك وأصحابك فى حياه مره
تعاني الإغتراب تايه بين وجوه بيضه وسمره
محدش يوآسي مرضك ويقول المرض بعيد بره
بس الأصعب تكون فى بلدك وتعاني ميت مره
تشوف الظلم كمسيحي فى عملك وتعاني القسوة
تحب بلدك وتخلص لها وتحسبها عليك بالخطوة
نفسي بلدى تكون أم للكل فى حق وعدل كما نهوه
....
(4)
" تحت الصليب"
علي الصليب نرى الحبيب في حبه العجيب
حب يغفر، حب يستر، حبه قسوة القلب يذٌيب
وبأهتمامه بخلاصنا قلبي يرتاح، نفسي تٌطيب
وباهتمامه بامه الحزينة وبيوحنا تلميذه الحبيب
نتعلم الوفاء والبعد عن الجفاء رغم الأمه الرهيب
بالصليب شفنا التواضع اللي يرفع ويفرح الكئيب
بيقول تعالوا يا متعبون واستريحوا تحت الصليب
....
(5)
" إيماننا بالصليب"
كل ما بنظر عمل النعمة اللي بيه فادني علي الصليب
قلبي يرنم، قلبي يهلل عمري ما هنسي أحلي حبيب
دا قلبه حنين وبذله مش هين دا مات وأحياني الحبيب
مات كخاطئ وهو القدوس البار ولصلواتنا هو المجيب
نسجد لالامك يا قدوس ونمجد من مات عنا علي الصليب
تعالوا يا خطاه وامنوا بفداه وقولوا من القلب ارحمنا يا الله
عيشوا في رضاه ، يا بخته ويا هناه اللي يؤمن بالصليب
ليست هناك تعليقات:
إرسال تعليق