للأب القمص أفرايم الأنبا بيشوى
(1)
" يحررك وينميك"
العالم جائع ومش مكتفى ولا شبعان
لشهواته يسرع ولجمع المال تعبان
والمسيح الهنا ملهوش بالقلب مكان
الهنا مخلص قادر يخليك دائما فرحان
روح ونفس وجسد يكون معاه رويان
يهتم بالكبيرة والصغيرة وبكل إنسان
أطرح همك عنده يزيل عنك الأحزان
يحررك وينميك ويخليك معاه فى أمان
......
(2)
"تاثير الناي "
رنم الناي وأنشدنا عزفه باجمل الألحان
دمعت العين وخشع الفكر وتقوى بالإيمان
القاسي قلبه رق وبقى كله رحمة وحنان
فارق الخاطي ذنوبه وتاب وقال يارحمان
البخيل قال هاتحرر من العبودية لعالم فان
وأقدم للمحتاج بكرم ولا أبخل علي غلبان
دا صوتك يا ناي يلين الحجر ويريح التعبان
...............
(3)
"خلاص النفس"
صن نفسك عما يدنس النفس والحس
وأمنع حواسك وفكرك أن يتلوث برجس
أبعد عن كل شر وما يثير الشك واللَبسَ
تقي ذاتك من الندم على ما عبر بالأمس
كن لله خير سفير يكون لك حصن وترس
تحيا يومك فى سلام ومحبة مع كل أنس
وتنعم مستقبل آمن سعيد وتُخلص النفس
..............
(4)
"ربنا موجود"
فيه اسئله بتكون من غير ردود
ولكل إنسان بداية ونهاية وحدود
وعشان الإنسان فكره دائما محدود
يترك الامر لله ويقول ربنا موجود
يتواضع متأكد دا أحنا للتراب والدود
......
(5)
"خليك قنوع"
قلقان علي الغد ليه، الغد لله سيبه!
أهتم باليوم وأعمل بأمانه اللي تصيبه
ياما طار النوم من عيون طالبه تجيبه
سهرت ليالي تقول يارب الأمر دا جيبه
وأما تحقق الأمر قلت آه عاوز أسيبه!
يا أبن أدم كن قنوع يجي يوم كله تسيبه
......
ليست هناك تعليقات:
إرسال تعليق