(1)
" الحق ينتصر "
مهما الليل يطول والظلمة تعم
والظلم يسود والباطل للناس يلم
والخلق تعاني والشر يعلى الفم
الشمس هتشرق وارادتة الله تتم
والخير والحق ينتصر على الأثم
واللي تقال فى المخدع يتكشف
الشمس تشرق وفرح الأبرار يعم
.......
(2)
"الصلاة والصوم"
في الضيقات أو في التجارب
لما بالحزن أو اليأس نتحارب
نلاقي حوالينا ثعابين ومصاعب
نصرخ لله بتواضع وعنا يحارب
ونصمت ونشوف منه عجايب
بالصلاة والصوم نجاتنا تقارب
نطلب منه يوصل للميناء القارب
نقدم التسبيح دوما لالهنا الغالب
.......
(3)
"يقودنا للنصرة "
الرب راعىَ عبر وادي الدموع
روحه القدوس لنا شبع وينبوع
يرد نفسي ويقوى إيماني ويقيني
يقودني للنصرة فارنم فى خشوع
فالشكر منا واجب لربنا يسوع
لانه مات وقام ليخلص الجموع
نبشر باسمه ونمجده بين الربوع
.....
(4)
"يقودنا بمهارة"
مين زيك يقدر يهدي العاصفة وينجينا ويهدينا يا الله؟
يأمر البحر ويطيعه ويقودنا بمهارة لبر سلام ونجاة
ولما نتعب فى بحر الحياة ونخور ونصارع الأهواء
نصرخ ونقول يارب تيجي تخلصنا وتدينا أمل وحياة
ملناش غيرك يارب تدي هدوء للقلب وبسمة للشفاة
تبدد قلقنا ومخاوفنا وتنور الظلمة وتدي سلام وعزاء
قود يارب سفينة حياتنا وبلادنا وكنيستنا لمجدك يا الله
.....
(5)
" ياريت "
ياريت يرجع بينا الزمان للوراء ونرجع أطفال صغار
تفرحنا حتة حلاوة ولمه سواء نلعب فيها في وسط الدار
نفرح ونسعد لما يقولوا ناخدكم معانا فسحة او مشوار
نزعل ثواني مع بعض ونتصالح ويعود الحب والحوار
كبرنا وكبرت همومنا وشلنا هموم الوطن وبلاد الجوار
وزاد الهم لما نشوف اهلنا يبنوا كنيسة باضطهاد ومرار
وكأني الكنيسة اللي بتنادي بالمحبة والخير عيب وعار
وأحنا أهل البلاد وعشنا فيها الاف السنين باستمرار
بقينا نحلم ننام في هدوء ومنصحاش علي سئ الأخبار
ونتمني السلامة لبلادنا ولاهلنا ونعيش في بلادنا أحرار
....
ليست هناك تعليقات:
إرسال تعليق