....
(1)
"الصبر والصلاة "
لازم نصبر ونجاهد وأمامنا كمثال صبر أيوب
شكر وصبر وصلي وأصبح من الله محبوب
عاش المحن والمرض والضيق كدواء مرغوب
رفع عنه الله التجارب وعوضه كوعده المكتوب
أحنا لازم أن نرجع الى الله بكل القلب واليه نتوب
نصلى ونصبر ونطلب يغفر لنا الخطايا والذنوب
نطلب مراحم ربنا وسلامه الكامل ليحل فى القلوب
ويقوينا بروحه القدوس ويكون قائدنا فى الدروب
.......
(2)
" ثقتنا فى الله"
عندنا ثقة في ربنا انها هتتعدل
حتي حرارة الطقس تروح وتتبدل
فلا شي يبقي علي حاله أو يفضل
عشمنا في ربنا كبير وفيه بنتأمل
من محبة ربنا دائما نرتوى وننهل
نبعد عن الشر وللخير نسعى ونعمل
الله قادر ورحمته واسعه لينا تشمل
.....
(3)
" الحكيم يربح الناس”
الكلام اللين حلو يصرف الغضب
الكلام القاسي كبنزين علي الحطب
خليك حكيم وأبني بكلام كالدهب
وقول للناس كلام يريح من التعب
الحكيم يربح الناس ويطفئ اللهب
الجاهل يثير خصومة بكلام كله كذب
أطلب الله يديك حكمة وقلب كله حب
.....
(4)
" حياتنا غربة"
حبات الحنطة لما تندفن فى الأرض وتموت
تحيا وتنمو وتنتج سنابل نأكلها عيش وقوت
وحتى الشجر اللي يندفن والزمن عليه يفوت
مع مر الزمن عليه يتحول لفحم وماس وياقوت
عشان كدا ماتبكيش علي حد عزيز عليك يموت
دا روحه تنطلق للسماء وكملاك يورث الملكوت
حياتنا غربة ويابخته اللي من الضيق يمر ويفوت
......
(5)
" شكراً ليك "
الهنا الصالح المحب شكراً ليك
مهما نشكر، حقك مش هنوفيك
بتحبنا مهما نقصر أو نهمل فيك
بتقول بحبك يا أبنى ودايما بداديك
عارف ضعفك ومرضك وانا هشفيك
أديك سلامى وتعرفنى أكثر وأنميك
وتثمر يا أبني ثمر البر دا أنا بادعيك
تعلن حبى ورحمتى وأجرك هاوفيك
يارب حنانك وحبك متزايد مجداً ليك
.......
ليست هناك تعليقات:
إرسال تعليق