اسلكوا فى النور
صحيت لقيت الدنيا مضلمة
النور قاطع والدروب معتمة
قلت يارب نور حياتنا القاتمة
صوت قالى خلي بصيرتك فاهمة
فيه ناس بتحب تمشى في الظلام،
وناس حياتها نور فى دنيا مظلمة
................
عيشوا بالإيمان
قالوا الزمان ملهوش أمان
وبيسند الإنسان فيه الإنسان
قلت يا ناس عيشوا بالإيمان،
يسند اليوم وفى الأخرة كمان
بأدور على إنسان بقالى زمان!
وبالإيمان لقيت سلام وأطمئنان
حتى مع الإنسان اللى ملوهش أمان.
..................
أستعد لأخرتك
عجبى على إنسان موهوم
فاكر أنى الدنيا ليه هتدوم
يأمر وينهي وكل يوم مرسوم
فجأة يدور الزمن وتلقيه مهزوم
تمر أيام وتخرج الروح وتروح
وهو مش مستعد لأخره بتدوم
..................
أسم مكتوب
سهير ليالي وبحب أنقب فى الكتب
قرأيت عن مشاهير فى التاريخ اللى أنكتب
ناس الفساد جلبلها خراب وعطب
وناس أكلتها نار العداوة زى الحطب
وفيه قديسين سهروا وجاهدو ونالوا
وفى سجلات السماء ليهم أسماء تنكتب
............
توب ونقى قلبك
بصيت لقيت نفسي في يوم الحساب
أفكارى مكشوفه قدام الهي بلا حجاب
وبيبصلى فى نظرة حنان وحزن وعتاب
صوته قالى توب ونقي قلبك الكداب
وأعمل الخير وقول الحق ولا تهاب
بلاش تتلهى فى لذه ولا تنشغل بتراب
أحسن تبقى أخرتك مرة وهلاك وخراب
.........
أقم ميتوتة نفوسنا
أبن وحيد لارملة بالاخلاق الحسنة ربته
كبر وبقى سندها وأملها الوحيد وحبته
فى يوم سخن لما شمس التجارب جات لفحته
آخر النهار والام تصرخ كانت المنية وأفته
حملوه على الأكتاف والأم محروقه بلهفته
والناس حزينه علي ميتته قامت القيامة قابلته
بلمسه حانية قام الميت واداه لامه فرحها وحضنته
بلمستك أقم نفوسنا واللى مات يارب ترجع عافيته
ليست هناك تعليقات:
إرسال تعليق