للأب القمص أفرايم الانبا بيشوى
بيقولى أذكرني دائما وما تنساني
فى أفراحك وفى احزانك انا
بفرح وأعانى،
تذكر صليبي وتعذيبى،
وبخطاياك انت الجانى،
فى بعدك عنى انا القريب
بروحي ووجداني.
وفى قربك منى ، انت يا
أعز خلاني.
دا انا بحبك حب ملهوش حدود .
وانا يا ابنى عليك بالخير
أجود,
من اجلك جيت فى جسد
محدود,
وانا اللي لإهوتى ملهوش حدود.
وجلت اصنع خير واتهان وانا المعبود,
وانا بتخطي وتقول ربنا مش
موجود.
وانا بصبري أستر وعنك
اذود،
ضربات العدو الحسود.
وانت موضوع حبى حتى قبل
الوجود
وكأنك القلب فى جسدي .
وانا بصبر وأقول ولدى.
فكيف يا أبنى بقى تنساني
...........
أذكرني وانا دائما برعاك
طول عمرك عيني انا حامياك
وانا اللي بمحو كسحابه
خطاياك
وانا اللي بشبعك بالحب،
وارويك فى الصحراء من
الجدب
وارشدك فى الطريق اللي بتسلكها
وفى الضيق تناديني باجيك
وانا اللى دايما باداديك
وانت بالنكران
تنساني
وتنسى كل أحساني
وتفكر فى حاجات هايفة
وانا منتظرك فى لهفه
على الامل فى لقياك
وبرد الشتاء يؤلمني
وحر الصيف يأكلني
وقلب الآب يحزنني
وانت من الحرمان بتعانى
.....................
تعالى يا حبيبي توب وارجع
ومن حبى ودسمي كل واشبع
ومن أنهاري اتورى وبها
اقنع
سواقي الله دايره ومليانه
ومنها النفوس الطاهرة
شبعانه
وكن كشجره رويانه
وفى الفردوس مزروعه
وفيها هاتكون
لك قيمه
محجوز مكانك بقاله زمان
فى ملكوتي تكون وياي
تتمتع بكل غناي
هناك ها تسعد معاي
خلاص قربت خلاص انا جاى.
وتكون معايا فى سمائي ،
امين تعال يارب يسوع،
قلوبنا تشتهى الرجوع،
وكل اللى يقرأ ويسمع ،
يقول أمين تعال وبيك نشبع
.
ليست هناك تعليقات:
إرسال تعليق